შრი ჰარიდას თაკურა არის უფლის, მარადიულად განთავისუფლებული, თანამგზავრი. ისევე როგორც გარუდა მოევლინა ჩიტის სახით, ხოლო ჰანუმანი მაიმუნის, ისე ჰარიდას თაკურა დაიბადა იავანების (მაჰმადიანთა) ოჯახში. დაბადებიდან იგი ძალიან ღრმად იყო ჩაფლული შრი კრშნას წმინდა სახელების გალობაში.
როდესაც მაჰმადიანთა ადმინისტრატორმა შეიტყო ჰარიდასა თაკურის ასეთი მიდრეკილება უფლის წმინდა სახელების მიმართ, მან იგი დაასმინა მეფესთან და სთხოვა დაესაჯათ ჰარიდასა თაკურა მაჰმადიანობიდან გადახვევის გამო. მეფემ ჰარიდასას უთხრა, რომ დაენებებინა თავი ჰარი ნამა გალობისათვის და დაინდობდა, თუარადა დასჯიდა. ჰარიდასა თაკურა განმტკიცებული იყო თავის საქმიანობაში და უარყო მეფის შემოთავაზება და ბევრ ფიზიკურ სატანჯველს შეეჭიდა. საბოლოოდ ყველაფერს გაუძლო და მეფეც და სხვა დამსჯელებიც მიხვდნენ რომ იგი არ იყო ჩვეულებრივი ადამიანი და პატიება სთხოვეს მას. ასეთია უფლის წმინდა ერთგულის განწყობა და შემართება.
