ხარი-დემონის, სახელად არიშტასურას მოკვლის შემდეგ, კრიშნა რადჰარანისთან მივიდა. თუმცა, მან და სხვა გოპებმა უსაყვედურეს მას და თქვეს, რომ ის გაისვარა რელიგიური სიმბოლო ხარის მოკვლის გამო, რადგან ეს ცოდვად ითვლება. გოპებმა კრიშნას შესთავაზეს, რომ ამ ცოდვის განსაწმენდად, მას ყველა წმინდა მდინარეში განებანა.
კრიშნამ, რომელსაც სურდა შრიმატი რადჰარანის გაოცება, მაშინვე თავისი ლოტოსის ფეხით მიწაში გააკეთა დიდი ორმო და მოუხმო ყველა წმინდა მდინარეს, რომ ორმო აევსოთ თავიანთი წმინდა წყლებით. წმინდა მდინარეები გამოჩნდნენ მის წინაშე და შექმნეს შიამა-კუნდა (შიამას ბანაობის ადგილი – ის, ვინც მუქი წვიმის ღრუბლის ფერია).
ბანაობის შემდეგ კრიშნამ თქვა, რომ იგი განიწმინდა შიამა-კუნდაში ბანაობით, მაგრამ გოპიები გაისვარნენ უწმინდურობით, დემონის მხარეზე ყოფნის გამო, მიუხედავად იმისა, რომ იგი ხარის სახით გამოჩნდა. რადჰარანიმ, თავის მეგობარ გოპებთან ერთად, დაამტვრია სამაჯურები და გატეხილი ნაჭრებით ორმო გათხარა, თუმცა წყალი არ იყო ორმოში, ამიტომ კრიშნას გაეცინა. შემდეგ გოპებმა ცოცხალი ჯაჭვი გააკეთეს განგადან-ორმომდე და დაიწყეს ორმოს შევსება წყლით. ამ დროს ყველა წმინდა მდინარემ, სთხოვა ნებართვა რადჰარანის, ორმოს ავსებისთვის და რადჰარანის თანხმობის შემდეგ აივსო ორმო წმინდა წყლებით.
ეს ორი კუნდა გამოვლინდა შუაღამისას კრიშნაშტამის – ბნელი მთვარის მერვე დღეს – კარტიკას თვეში. ამიტომ ასობით და ათასობით ადამიანი ბანაობს აქ შუაღამისას ამ დღეს, რომელიც ცნობილია როგორც ბაჰულასტამი.
